Shols YeI davlatlarini Ukrainaga yordamni kuchaytirishga chaqirdi
Berlin Kiyevni «kerak bo‘lgunicha» qo‘llab-quvvatlaydi, deya ishontirdi GFR kansleri. Ammo, uning so‘zlariga ko‘ra, bu Ukrainaning uzoq muddatli xavfsizligini ta’minlash uchun yetarli bo‘lmaydi.
Germaniya kansleri Olaf Shols Yevropa Ittifoqi davlatlarini Rossiyaning keng ko‘lamli hujumiga qarshilik ko‘rsatayotgan Ukrainaga bu yil ko‘proq yordam berishga chaqirdi. 8 yanvar, dushanba kuni Berlinda Lyuksemburg bosh vaziri Lyuk Friden bilan bo‘lib o‘tgan uchrashuvdan so‘ng Shols: «Hozirda YeIga a’zo aksariyat davlatlar tomonidan Ukrainaga yetkazib berish rejalashtirilayotgan qurol hajmi har qanday holatda ham juda kichik», dedi. U Yevropa Ittifoqidagi mamlakatlarni Ukraina manfaatlari yo‘lida sa’y-harakatlarni kuchaytirishga chaqirdi.
Uning so‘zlariga ko‘ra, Ukrainaga AQShdan keyingi eng yirik donor bo‘lgan Germaniya «zarur bo‘lgunicha» harbiy yordam ko‘rsatishda davom etadi. Biroq uzoq muddatda Ukraina xavfsizligini ta’minlash uchun Germaniyaning hissasi yetarli bo‘lmaydi, deya ta’kidladi siyosatchi.
Eng kechi bilan 1 fevral kuni bo‘lib o‘tadigan YeI sammitiga qadar «biz yevropalik hamkorlarimiz bu yil Ukrainani qo‘llab-quvvatlashga qanday aniq hissa qo‘shishi haqida iloji boricha aniq tasavvurga ega bo‘lishimiz kerak», dedi Germaniya hukumati rahbari. «Yevropa Ukraina tomonida, erkinlik, xalqaro huquq va Yevropa qadriyatlari tarafida qat’iy ekanini namoyish etishi kerak», - deydi Shols.
Mavzuga oid
21:41 / 23.09.2024
Eron prezidenti: Biz Rossiyaning Ukrainaga tajovuzini hech qachon ma’qullamaganmiz
20:58 / 23.09.2024
Zelenskiy AQShda. U avval Baydenga, keyin Harris va Trampga o‘z «tinchlik rejasi»ni taqdim etadi
15:41 / 23.09.2024
Rossiya qo‘mondonligi Ukraina Kurskda yurish qilishini bilgan. Amaliyot boshlanganida esa ko‘p askarlar qochib ketgan
20:07 / 22.09.2024