Namangandan Moskvaga uchgan samolyot Toshkentga qo‘nishga majbur bo‘ldi 

29 yanvar kuni Uzbekistan Airways aviakompaniyasining Namangan – Moskva yo‘nalishida parvoz qilgan samolyoti Toshkentga qo‘nishga majbur bo‘ldi. 

Qayd qilinishicha, parvoz paytida yo‘lovchilardan birining tobi qochgan, shundan so‘ng ekipaj zaxira aeroporti bo‘lmish Toshkentga qo‘nish haqida qaror qabul qilgan. Aeroportga tibbiy yordam xizmati chaqirilgani ta’kidlanmoqda. 

Avvalroq, samolyot parvozi paytida qanday kasalliklar kuchayishi mumkinligi haqida xabar berilgan edi.