Har bir ona va bola o‘limi favqulodda holat sifatida baholanadi - prezident

Prezident Shavkat Mirziyoyev raisligida 2024 yilda ta’lim, sog‘liqni saqlash, raqamlashtirish, madaniyat va sport sohalarida amalga oshirilishi lozim bo‘lgan ustuvor vazifalar yuzasidan yig‘ilish o‘tkazildi. 

Unda onalar va go‘daklar o‘limining oldini olish masalalariga alohida to‘xtalib o‘tildi. 

«Har bir ona va bola o‘limi favqulodda holat deb baholanadi va so‘rov shunga yarasha bo‘ladi», deb ogohlantirdi prezident Sog‘liqni saqlash vazirligi, viloyat hokimlari, viloyat va tuman tibbiyot idoralari rahbarlarini. 

Qayd qilinishicha, xorijdan mutaxassislarni olib kelib, eng avvalo, ona va go‘dak o‘limi yuqori 20 ta tuman va shahardagi tibbiyot xodimlarini o‘qitish topshirildi. 

Xavf guruhiga kirgan homilador va tug‘ruq yoshidagi ayollar bilan ishlash protokoli yangilanadi. 

Tibbiyot brigadalaridagi 8,5 ming doya ilg‘or tajriba asosida reproduktiv salomatlik va homiladorlar parvarishi bo‘yicha o‘qitiladi. 

Perinatal markazlar boshqaruviga xorijiy mutaxassislarni olib kelish, 229 ta tug‘ruqxonani zamonaviy tibbiy uskunalar bilan jihozlash topshirildi.