Toshkentda ikkita avtobus to‘qnashdi
Hodisaga haydovchilardan birining yonlama holatda oraliq masofani saqlamagani sabab bo‘lgan. Ikki kun avval ham xuddi shunday hodisa yuz bergan va o‘shanda ham ikkita avtobus shikastlangan edi
![](https://storage.kun.uz/source/10/Sq-0Tsjq5X7Bb1rpWkdW97huTXE_iPnW.jpg)
Foto: Videodan kadr
Toshkentda ikkita yo‘lovchi avtobusi ishtirokida yo‘l-transport hodisasi sodir bo‘ldi. «Toshshahartransxizmat» kompaniyasi matbuot xizmatining xabar berishicha, hodisa bugun, 9 fevral kuni ertalab ro‘y bergan.
131-sonli “King Long” avtobusi haydovchisi X.D. transportni Chilonzor metrosi bekatiga to‘xtatayotgan vaqtida, shu bekatda to‘xtab yo‘lovchi tushirayotgan 99-sonli avtobus (Yutong) bilan yonlama oraliq masofani saqlamagan.
Oqibatda 131-avtobusning o‘rta bo‘g‘in qismi oynasi hamda 99-avtobusning chap tomon orqani ko‘rish oynasining korpus qismi bilan bir-biriga tegishi sababli yengil shikastlangan.
To‘qnashuvda hech kim tan jarohati olmagan. Dastlabki surishtiruv natijalariga ko‘ra yo‘l-transport hodisasi 99-sonli avtobus haydovchisi T.B. aybi bilan sodir etilgan.
“Hozirda mazkur yo‘l-transport hodisasi Toshkent shahar Ichki ishlar bosh boshqarmasi Yo‘l harakati xavfsizligi boshqarmasi xodimlari tomonidan o‘rnatilgan tartibda rasmiylashtirilganini ma’lum qilamiz”, deyiladi xabarda.
Ma’lumot uchun, bundan ikki kun avval 2024 yil 7 fevral kuni Toshkent shahrida ikkita elektrobus yonlama oraliq masofa saqlanmagani oqibatida shikastlangandi.
Mavzuga oid
![](https://storage.kun.uz/source/thumbnails/_medium/10/o4J_SiGsB8a5um5vKfTTABuEV_3zKwlZ_medium.jpg)
21:59 / 04.09.2024
Toshkentda bir qancha ko‘chalar 3 kunga yopiladi
![](https://storage.kun.uz/source/thumbnails/_medium/10/FDwNSTgAX2093SDjraB4txyK6-sIsU4t_medium.jpeg)
20:16 / 04.09.2024
Toshkentda issiq suv vaqtincha o‘chiriladigan hududlar e’lon qilindi
![](https://storage.kun.uz/source/thumbnails/_medium/10/es-8phiktRflhcnsQFvvrGi7mAf16N7k_medium.jpg)
12:50 / 02.09.2024
Poytaxt jamoat transporti yangi o‘quv yiliga dosh beroladimi?
![](https://storage.kun.uz/source/thumbnails/_medium/10/KRHXpl5wz2fV9pOpyTl0L6bXTqJjWS3v_medium.jpg)
19:47 / 31.08.2024