Тошкентда иккита автобус тўқнашди
Ҳодисага ҳайдовчилардан бирининг ёнлама ҳолатда оралиқ масофани сақламагани сабаб бўлган. Икки кун аввал ҳам худди шундай ҳодиса юз берган ва ўшанда ҳам иккита автобус шикастланган эди
![](https://storage.kun.uz/source/10/Sq-0Tsjq5X7Bb1rpWkdW97huTXE_iPnW.jpg)
Фото: Видеодан кадр
Тошкентда иккита йўловчи автобуси иштирокида йўл-транспорт ҳодисаси содир бўлди. «Тошшаҳартрансхизмат» компанияси матбуот хизматининг хабар беришича, ҳодиса бугун, 9 феврал куни эрталаб рўй берган.
131-сонли “Кинг Лонг” автобуси ҳайдовчиси Х.Д. транспортни Чилонзор метроси бекатига тўхтатаётган вақтида, шу бекатда тўхтаб йўловчи тушираётган 99-сонли автобус (Yutong) билан ёнлама оралиқ масофани сақламаган.
Оқибатда 131-автобуснинг ўрта бўғин қисми ойнаси ҳамда 99-автобуснинг чап томон орқани кўриш ойнасининг корпус қисми билан бир-бирига тегиши сабабли енгил шикастланган.
Тўқнашувда ҳеч ким тан жароҳати олмаган. Дастлабки суриштирув натижаларига кўра йўл-транспорт ҳодисаси 99-сонли автобус ҳайдовчиси Т.Б. айби билан содир этилган.
“Ҳозирда мазкур йўл-транспорт ҳодисаси Тошкент шаҳар Ички ишлар бош бошқармаси Йўл ҳаракати хавфсизлиги бошқармаси ходимлари томонидан ўрнатилган тартибда расмийлаштирилганини маълум қиламиз”, дейилади хабарда.
Маълумот учун, бундан икки кун аввал 2024 йил 7 феврал куни Тошкент шаҳрида иккита электробус ёнлама оралиқ масофа сақланмагани оқибатида шикастланганди.
Мавзуга оид
![](https://storage.kun.uz/source/thumbnails/_medium/10/o4J_SiGsB8a5um5vKfTTABuEV_3zKwlZ_medium.jpg)
21:59 / 04.09.2024
Тошкентда бир қанча кўчалар 3 кунга ёпилади
![](https://storage.kun.uz/source/thumbnails/_medium/10/FDwNSTgAX2093SDjraB4txyK6-sIsU4t_medium.jpeg)
20:16 / 04.09.2024
Тошкентда иссиқ сув вақтинча ўчириладиган ҳудудлар эълон қилинди
![](https://storage.kun.uz/source/thumbnails/_medium/10/es-8phiktRflhcnsQFvvrGi7mAf16N7k_medium.jpg)
12:50 / 02.09.2024
Пойтахт жамоат транспорти янги ўқув йилига дош бероладими?
![](https://storage.kun.uz/source/thumbnails/_medium/10/KRHXpl5wz2fV9pOpyTl0L6bXTqJjWS3v_medium.jpg)
19:47 / 31.08.2024