2024 yilning 1 yanvar holatiga ko‘ra O‘zbekistonda jismoniy shaxslarga tegishli yengil avtomobillar soni 3 mln 759 ming 45 tani tashkil etadi.
Foto: Kun.uz
Statistika agentligi xabariga ko‘ra, 2023 yil mobaynida jismoniy shaxslarga tegishli yengil avtomobillar soni 362 ming 525 taga oshgan.
Hududlar kesimida jismoniy shaxslarga tegishli yengil avtomobillar sonining eng ko‘pi Toshkent shahrida – 597 ming 931 ta. Mazkur reytingda keyingi o‘rinda Samarqand viloyati – 417 ming 165 ta.
Boshqa hududlarda:
- Qoraqalpog‘iston Respublikasi – 161 926 ta;
- Andijon viloyati – 271 885 ta;
- Buxoro viloyati – 241 855 ta;
- Jizzax viloyati – 109 657 ta;
- Qashqadaryo viloyati – 297 305 ta;
- Navoiy viloyati – 109 274 ta;
- Namangan viloyati – 247 032 ta;
- Surxondaryo viloyati – 233 675 ta;
- Sirdaryo viloyati – 75 116 ta;
- Toshkent viloyati – 414 645 ta;
- Farg‘ona viloyati – 354 858 ta;
- Xorazm viloyati – 226 721 ta.
