O‘zbekistonda o‘zlashtirilayotgan xorijiy investitsiya hajmida ulushi yuqori davlat ma’lum bo‘ldi

2023 yilda O‘zbekiston Respublikasida asosiy kapitalga o‘zlashtirilgan investitsiyalar hajmi 352,1 trln so‘mni tashkil etgan.

Statistika agentligining dastlabki ma’lumotlariga ko‘ra, shundan asosiy kapitalga o‘zlashtirilgan jami xorijiy investitsiya va kreditlar ulushi 53,4 foizga yetgan.

O‘zlashtirilgan jami xorijiy investitsiya va kreditlar hajmida eng yuqori ulushga ega bo‘lgan investor davlatlar orasida Xitoy yetakchilik qilyapti – 25,6 foiz.

Ushbu ko‘rsatkich qolgan davlatlar kesimida quyidagicha:

— Rossiya – 13,4 foiz;
— Saudiya Arabistoni – 7,9 foiz;
— Turkiya – 6,4 foiz;
— BAA – 5,8 foiz;
— Germaniya – 4,3 foiz.