Aholini tadbirkorlikka jalb qilish jamg‘armasidan subsidiya ajratish soddalashtiriladi

Kambag‘allikni qisqartirish va bandlik vazirligi, Oila va xotin xotin-qizlar qo‘mitasining 2024 yil 1 martdan boshlab yengil konstruksiyali issiqxonalar o‘rnatish, urug‘liklar, ko‘chatlar va sug‘orish vositalari xarid qilish uchun subsidiya ajratishda subsidiya oluvchi tomorqa yer egasi bo‘lishi lozimligi haqidagi talabni bekor qilish bo‘yicha takliflari ma’qullanadi.

Vazirlar Mahkamasi qarori bilan tasdiqlangan “Iqtisodiy taraqqiyot va kambag‘allikni qisqartirish vazirligi huzuridagi Mahallabay ishlash va tadbirkorlikni rivojlantirish agentligining Aholini tadbirkorlikka jalb qilish jamg‘armasi mablag‘lari hisobidan subsidiyalar ajratish tartibi to‘g‘risida nizom”ga quyidagi o‘zgartirish kiritiladi:

yengil konstruksiyali issiqxonalar o‘rnatish, urug‘liklar, ko‘chatlar va sug‘orish vositalari xarid qilish uchun subsidiya ajratishda subsidiya oluvchi tomorqa yer egasi bo‘lishi lozimligi haqidagi talabni bekor qilish.

Kambag‘allikni qisqartirish va bandlik vazirligi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni qarorga muvofiqlashtiradi.

Qarorning bajarilishini nazorat qilish bosh vazir o‘rinbosari – iqtisodiyot va moliya vaziri Jamshid Qo‘chqorov hamda kambag‘allikni qisqartirish va bandlik vaziri Behzod Musayev zimmasiga yuklanadi.