Rossiya Aleksey Navalniy bilan xayrlashdi. Fotosuratlar

Rasmiylarning qattiq qo‘rqitishlariga qaramay, Moskvada marhum siyosatchi xotirasiga hurmat bajo etish uchun minglab kishilar yig‘ildi.

2024 yil 1 mart kuni Moskvada Aleksey Navalniy bilan vidolashuv marosimi o‘tkazildi. Rossiyada amalda har qanday ko‘cha aksiyalari bekor qilinganiga qaramay, janoza marosimi o‘tkazilgan Marino rayonidagi «Utoli moya pechali» («Qayg‘umni arit») cherkovida hamda Borisov qabristonida minglab kishilar yig‘ildi, ular orasida Yevropa mamlakatlari va AQSh diplomatlari, shuningdek rossiyalik siyosatchilar Yevgeniy Royzman, Boris Nadejdin va Yekaterina Dunsova ham bor edi. Politsiya oldindan cherkov hududini metall to‘siqlar bilan o‘rab oldi, ibodatxona atrofida internet uzilishlar bilan ishladi. Janoza marosimidan keyin Navalniyning dafn marosimi o‘tkazilgan Borisov qabristoni juma kuni keluvchilar uchun yopib qo‘yilgandi — ammo u yerga ham minglab kishilar bordi. Quyida so‘nggi vaqtlarda Rossiyadagi eng yirik aksiyaga aylangan dafn marosimidan asosiy suratlar keltiriladi.