Rossiya O‘zbekistonda xorijiy korxonalar soni bo‘yicha yetakchilikni saqlab qoldi

2024 yil 1 fevral holatiga respublikada faoliyat yuritayotgan xorijiy kapital ishtirokidagi korxona va tashkilotlar soni 14 199 tani tashkil etgan.

Statistika agentligi ma’lumotlariga ko‘ra, shundan, 4 675 tasi qo‘shma korxonalar va 9 524 tasi xorijiy korxonalar hisoblanadi. 

Xorijiy kapital ishtirokida eng ko‘p faoliyat ko‘rsatayotgan korxonalarning davlatlar kesimida Rossiya birinchi o‘rinni egalladi – 3 049 ta. 

Undan keyingi o‘rinlardan xorijiy kapital ishtirokidagi korxonalar soni 2 432 ta va 1 901 ta bo‘lgan Xitoy hamda Turkiya joy oldi.

Ushbu ko‘rsatkich qolgan davlatlar bo‘yicha quyidagicha ko‘rinishga ega:

• Qozog‘iston – 1 084 ta;
• Janubiy Koreya – 736 ta;
• AQSh – 314 ta;
• Tojikiston – 289 ta;
• Qirg‘iziston – 276 ta;
• Ozarboyjon – 235 ta;
• Germaniya – 220 ta;
• Turkmaniston – 182 ta.