Yanvarda 444 mingdan ortiq chet ellik qarindoshini yo‘qlash maqsadida O‘zbekistonga keldi

Statistika agentligi ma’lumotlariga ko‘ra, 2024 yil yanvar oyida O‘zbekistonga kelgan chet el fuqarolarining safar maqsadlari orasida qarindoshlarni yo‘qlash birinchi o‘rinni egalladi – 444,1 ming kishi.

Undan keyingi o‘rinlarda safar maqsadlari mos ravishda dam olish va sayohat (46,1 ming kishi) hamda xizmat yuzasidan tashrif (11,7 ming kishi) ekanini qayd etganlar joy oldi.

Ushbu ko‘rsatkich boshqa safar maqsadlari kesimida quyidagicha ko‘rinishga ega:

• tijorat – 9,2 ming kishi;
• davolanish – 7 ming kishi;
• o‘qish maqsadida – 2,1 ming kishi.