Qoʻshimcha funksionallar
-
Tungi ko‘rinish
Eski mashinalarni yangilariga almashtirish uchun subsidiya beriladi
«Atmosfera havosiga transport vositalarining salbiy ta’sirini kamaytirish bo‘yicha chora-tadbirlar to‘g‘risida»gi hukumat qarori bilan 1-iyundan boshlab respublikaning barcha hududlarida transport vositalarining normativlarga mosligi darajasini aniqlash va natijalari bo‘yicha ekologik stikerlar berish bepul, ro‘yxatga olish va qayta ro‘yxatga olish jarayoni bosqichma-bosqich amalga oshiriladi.
Bunda elektromobil va yangi mashina egalariga yashil stiker pochta orqali yuboriladi. Ekologik toifasi hududning ekologik zonasiga muvofiq bo‘lmagan transport vositalariga nisbatan ekologik kompensatsiya to‘lovlari joriy etiladi.
Qarorda aholiga «zararli» toifadagi transport vositalarini «toza» toifadagi transport vositalariga almashtirish uchun subsidiya berish tizimi joriy etilishi ham belgilandi. Iqtisodiyot va moliya vazirligi bir oy muddatda mazkur tizimni joriy etish hamda atmosfera havosini muhofaza qilish va uning ifloslanishini oldini olishga qaratilgan zamonaviy yondashuvga asoslangan chora-tadbirlarni moliyalashtirish bo‘yicha Vazirlar Mahkamasiga taklif kiritadi.
Hududlardagi ekologik zonalar chegaralarini belgilash hamda ularni o‘zgartirish tegishlicha Qoraqalpog‘iston Respublikasi Vazirlar Kengashi, Toshkent shahar va viloyatlar hokimliklari tomonidan Ekologiya vazirligi taklifiga asosan amalga oshiriladi.
Mavzuga oid
18:50 / 16.07.2026
Avtomobil va ko‘chmas mulkni sotish yo garovga qo‘yishni MyGov orqali taqiqlash imkoniyati yaratiladi
15:39 / 09.07.2026
“30 yoshdan oshgan” mashinalar egalaridan ekologik kompensatsiya undirish g‘oyasidan voz kechildi
10:25 / 06.07.2026
Har uchinchi yangi avtomobil - Cobalt: O‘zbekistonda eng ko‘p qaysi avtomobillar ishlab chiqarilmoqda?
10:55 / 04.07.2026