Shahnoza Sultonova Toshkent shahar hokimi o‘rinbosari etib tayinlandi

Toshkent shahar hokimi o‘rinbosari - Oila va xotin-qizlar boshqarmasi boshlig‘i sifatida ishlagan Nodira Umarova boshqa ishga o‘tishi munosabati bilan vazifasidan ozod qilindi.

Foto: Toshkent shahar hokimligi

Shahnoza Sultonova Toshkent shahar hokimining o‘rinbosari — Oila va xotin-qizlar boshqarmasi boshlig‘i etib tayinlandi.

Hokimlik xabariga ko‘ra, shu kunga qadar ushbu lavozimda faoliyat yuritib kelgan Nodira Umarova boshqa ishga o‘tishi munosabati bilan vazifasidan ozod qilindi.

Shahnoza Sultonova 1982 yilda Toshkent shahrida tug‘ilgan. Ma’lumoti oliy. 2003 yilda Toshkent davlat agrar universitetini tamomlagan.

U ko‘p yillar davomida Toshkent davlat texnika universitetida qator mas’uliyatli lavozimlarni egallab kelgan.

Shu kunga qadar Toshkent shahridagi Belarus-O‘zbekiston qo‘shma tarmoqlararo amaliy texnik kvalifikatsiyalar instituti ijrochi direktori lavozimida ishlagan.