Instagram yangi turdagi «Stories» va boshqa funksiyalarni joriy qildi

Instagram ijtimoiy tarmog‘i foydalanuvchilarga «Reveal» deb nomlangan yangi funksiyani taqdim qildi. U xiralashtirilgan «Stories» joylashtirishni nazarda tutadi, uni «Direct» orqali ruxsat olingandan keyin ko‘rish mumkin. 

Ushbu funksiyani faollashtirish uchun interfeysning yuqori qismidagi stikerlar belgisini bosish va tegishli filtrni tanlash kerak. Bu haqda The Verge xabar berdi. 

Ushbu funksiyaning ishlash mexanizmi hali juda aniq emas. Masalan, foydalanuvchilar har safar «Direct» orqali ruxsat olishi shart emasligi aytilgan. Biroq, funksiyaning tavsifi aynan shuni nazarda tutadi. 

Bundan tashqari, platforma yana bir qancha yangi funksiyalarni taqdim etdi. Masalan, «Musiqangizni «Stories»ga qo‘shish» funksiyasi foydalanuvchilarga o‘z kayfiyatiga mos keladigan sevimli qo‘shiqlarni baham ko‘rish imkonini beradi. 

«Ramkalar» xususiyati «Stories»ga qo‘shilgan rasmlarni Polaroid uslubidagi fotosuratlarga aylantirib, tasvirni foydalanuvchilardan yashiradi. Suratni ko‘rish uchun telefonni silkitish yoki tugmani bosish kerak bo‘ladi.