Qoʻshimcha funksionallar
-
Tungi ko‘rinish
Qozog‘istonlik diplomatning xotini muntazam zo‘ravonlikka uchrayotgani haqida xabar berdi
Mamlakat Tashqi ishlar vazirligi uni zudlik bilan chaqirib olinishini ma’lum qildi.
Foto: Ijtimoiy tarmoqlar
Qozog‘istonlik diplomatning rafiqasi eri tomonidan muntazam zo‘ravonlikka uchrayotganini ma’lum qildi. Bu haqda Qozog‘istonning #NeMolchi.kz fondi sahifasida yozildi, deb xabar berdi Tengrinews.
Matnda ta’kidlanganidek, Birlashgan Arab Amirliklaridagi elchixona maslahatchisi Saken Mamash o‘z xotinini muntazam kaltaklab kelgan va 5 may kuni xotinining singlisiga nisbatan ham kuch ishlatgan.
«Men Mamash Karina Gosmanovna, BAAdagi elchixona maslahatchisi Mamash Sakenning rafiqasiman. Men 10 yildan beri zo‘ravonlikka duchor bo‘layotganimni ma’lum qilaman. Erimning diplomat maqomidan mahrum etilishini va menga nisbatan qilgan barcha harakatlari uchun qamoqqa tashlanishini istayman. Men jismoniy, jinsiy, hissiy, iqtisodiy, maishiy, oilaviy zo‘ravonlikka uchraganman», deyiladi ayol bayonotda.
Qozog‘iston Tashqi ishlar vazirligi BAAdagi elchixona maslahatchisi Saken Mamash zudlik bilan chaqirib olinishini ma’lum qildi.
«Biz bu xodimni zudlik bilan Qozog‘istonga chaqirib olyapmiz. Keyinchalik uning ishi huquq-tartibot idoralari tomonidan ko‘rib chiqiladi», deyiladi xabarda.
Mavzuga oid
12:47
Qozog‘iston Ukraina atrofidagi vaziyat tufayli harbiy va fuqarolik obektlari xavfsizligini kuchaytirdi
12:33 / 21.11.2024
Qozog‘iston holdingi O‘zbekistondan 169 nafar mutaxassisni ish bilan ta’minlaydi
16:29 / 19.11.2024
Qozog‘istonda magistral yo‘lda o‘rtacha tezlikni oshirganlar jarimaga tortiladi
20:59 / 18.11.2024