Toshkentning ayrim ko‘chalari ta’mirlash uchun yopiladi

Toshkent shahrida rekonstruksiya va ta’mirlash ishlari olib borilayotgani sababli ayrim ko‘chalarda harakatlanish vaqtinchalik to‘xtatiladi. Bu haqda Transport vazirligi xabar berdi. 

Jumladan: 

— Qorasaroy ko‘chasi Nurafshon ko‘chasi bilan kesishmasidan Abdulla Qodiriy ko‘chasi bilan kesishmasigacha, hamda; 

— Kichik halqa avtomobil yo‘li Nurafshon ko‘chasi bilan kesishmasidan Qorasaroy ko‘chasi bilan kesishmasigacha 20 may kuni soat 22:00 dan 21 may 6:00 ga qadar, hamda, 21 may kuni soat 22:00 dan 22 may 6:00 ga qadar avtotransport harakati uchun yopiladi. 

Haydovchilarga ushbu vaqt oralig‘ida aylanma yo‘llardan foydalanish tavsiya etilmoqda.