Fransiya parlamentida deputat Falastin bayrog‘ini ko‘tardi

Fransiya parlamentining hukumat bilan savol-javob sessiyasida La France Insoumise (“Qaddi ravon Fransiya”) partiyasi deputati Sebastyan Delogu Falastin bayrog‘ini ko‘tardi. Shundan keyin parlament binosida ham qo‘llab-quvvatlash qarsaklari, ham norozi ohanglar kuzatildi, sessiya vaqtinchalik to‘xtatib qo‘yildi.

Foto: Videodan kadr

Gap shundaki, bir necha daqiqa oldin partiyaning boshqa bir deputati Alma Dyufur bosh vazirga Fransiya Isroil bilan iqtisodiy aloqalarni to‘xtatishi va tinchlikparvar kuchlarning mojaroga aralashuvini so‘rashi kerak, deb murojaat qilgan edi.

Uning so‘roviga savdo vaziri Frank Riyester javob berib, «Fransiya davom etadi, xonim...» deb jumlasini boshlagan paytda, Sebastyan Delogu Falastin bayrog‘ini ko‘tardi.

Shundan keyin parlament prezidenti sessiyani to‘xtatib qo‘ydi.

#Fransiya #Falastin

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.