Namoyishchilar Ukrainadan Polshaga don ekinlari olib kirilishini kamaytirishni talab qilmoqda. Namoyishlar 6 iyunga qadar davom etadi.
Polsha fermer xo‘jaliklari vakillari 4 iyun, seshanba kuni Ukraina bilan chegaradagi «Xrebene - Rava-Russkaya» nazorat-o‘tkazish punkti orqali yuk mashinalarining harakatlanishiga to‘sqinlik qildi. Bu haqda Ukraina Davlat chegara xizmati xabar berdi. Polshalik fermerlar o‘z mamlakatlariga don ekinlarini olib kirishni qisqartirishni talab qilmoqda, ular «yuk mashinalarining Ukrainadan chiqib ketishiga yo‘l qo‘ymayapti», deyiladi xabarda.
Namoyish 6 iyun kuni tushgacha davom etadi. Bu Ukrainadan yuk mashinalari harakatini to‘liq to‘xtatishga olib kelishi kutilmoqda, deb yozadi Ukraina OAV Ukraina Davlat bojxona xizmatiga tayanib. «Soat 11:20 holatiga ko‘ra, Ukrainadan chiqib ketayotgan yuk mashinalarining navbati elektron navbatga ro‘yxatdan o‘tgan 33 ta avtomashinadan iborat», - deya xabar qildi Davlat chegarasini qo‘riqlash xizmati.
Shu bilan birga, yuk mashinalarining Ukrainaga kirishi «oldin e’lon qilingan jadvalga muvofiq» amalga oshirilmoqda - 12 soat ichida 12 ta mashina, shuningdek, qo‘shimcha bir soat ichida 4 ta yuk mashinasida gumanitar yordam.
Polsha-Ukraina chegarasi blokadasi
Fevral oyida Polsha qishloq xo‘jaligi ishlab chiqaruvchilari Ukraina-Polsha chegarasida keng ko‘lamli blokada boshladi, bu esa bir haftalik tirbandliklarga va Ukraina yuk mashinalarining Polshaga kira olmaydigan darajada kilometrlarga cho‘zilishiga olib keldi. Ukraina prezidenti Volodimir Zelenskiy chegara blokadasi frontga qurol yetkazilishiga tahdid solayotganini aytdi.
Aprel oyi oxiridan beri polshalik fermerlar Ukraina bilan chegaradagi nazorat-o‘tkazish punktlarini to‘sib qo‘yishni to‘xtatdilar.
