Chirchiqda bosh shifokor o‘rinbosari tibbiyot xodimlarini haqorat qildi
Chirchiq shahri ko‘p tarmoqli tibbiyot markazi bosh shifokorining o‘rinbosari yig‘ilish vaqtida o‘z qo‘l ostidagi tibbiyot xodimlarini haqorat qildi. Xotin-qizlar ham ishtirok etayotgan yig‘ilishda uning og‘zidan kurakda turmaydigan uyatli so‘zlar chiqqan.

Foto: Videodan kadr
Ijtimoiy tarmoqlarda Chirchiq shahri ko‘p tarmoqli tibbiyot markazida o‘tkazilgan yig‘ilish videosi tarqaldi. Unda yig‘ilishni olib borayotgan, bosh shifokorining davolash ishlari bo‘yicha o‘rinbosari Nizom Abdullayev ekani aytilayotgan shaxs tibbiyot xodimlarini haqorat qilganini ko‘rish mumkin.
Lavhada ko‘rinishicha, ushbu yig‘ilish 2024 yilning 6 iyun kuni ertalab o‘tkazilgan. Unda ko‘plab tibbiyot xodimlari, jumladan, xotin-qizlar, hamshiralar ishtirok etgan.
“Men gapirganimda unga qarash kerak emas, og‘ayni. Gapirganda yozib olish kerak-da, keyin ana yerga olib kirib, ... kerak. Men gapirdimmi, unga qaramang, bo‘ldi. Siz qarab bo‘ldingiz. Endi menga qarang-da, bittalab yozib oling. Keyin xonangizga olib kiring-da, ..... qo‘ying”, degan Nizom Abdullayev tibbiyot xodimlaridan ikki nafarini o‘rnidan turg‘izib qo‘yib.
Bosh shifokor o‘rinbosari yig‘ilishda xotin-qizlar ham ishtirok etayotganiga qaramay, tibbiyot xodimlariga qarata haqoratli so‘zlarni ishlatgan. Toshkent viloyati sog‘liqni saqlash boshqarmasi holat yuzasidan rasmiy munosabat bildirdi. Unga ko‘ra, voqea joriy yilning 7 iyun kuni Chirchiq shahrida joylashgan viloyat ko‘p tarmoqli tibbiyot markazining ertalabki hisobot yig‘ilishi vaqtida kuzatilgan. Qayd etilishicha, ayni paytda mazkur holat yuzasidan boshqarma tomonidan ishchi guruh tuzilib, holat atroflicha o‘rganilmoqda. O‘rganish natijalari bo‘yicha qo‘shimcha ma’lumot taqdim etiladi.
Eslatib o‘tamiz, Ma’muriy javobgarlik to‘g‘risidagi kodeksning 41-moddasiga ko‘ra, haqorat qilish, ya’ni shaxsning sha’ni va qadr-qimmatini qasddan kamsitish bazaviy hisoblash miqdorining yigirma baravaridan qirq baravarigacha miqdorda jarima solishga sabab bo‘ladi.
So‘nggi yangiliklar
-
Homiladorlar necha marta skrining tekshiruvlaridan o‘tishi zarur?
Jamiyat | 06:22
-
Kosta-Rika AQShdan deportatsiya qilingan o‘zbekistonliklarni qabul qilishga rozi bo‘ldi
O‘zbekiston | 01:22
-
AQSh Senati Kesh Patelni Federal tergov byurosi direktorligiga tasdiqladi
Jahon | 00:40
-
Torontoda qo‘nish vaqtida ag‘darilib ketgan samolyot yo‘lovchilariga 30 ming dollardan pul taklif qilindi
Jahon | 00:15
Mavzuga oid

17:14 / 20.11.2024
Chirchiq shahrida 4 tup yong‘oqni kesgan shaxs tabiatga 247 million so‘m zarar yetkazdi

19:45 / 05.11.2024
Chirchiq shahri hokimi o‘rinbosari 1 mln dollar bilan ushlandi

15:56 / 08.10.2024
Tug‘uruqxonalardagi o‘limni qanday kamaytirish mumkin? – Saudiyada ishlayotgan o‘zbek shifokori bilan suhbat

17:35 / 03.10.2024