Jahon | 10:51 / 13.06.2024
4294
3 daqiqa o‘qiladi

YeI Xitoyga elektromobillar boji bo‘yicha bahsda muhlat berdi

Nemis kompaniyalari bosimi ostida Yevropa Ittifoqi Xitoy elektromobillariga bojlarni oshirish masalasini 4 iyulgacha qoldirdi. Pekin Bryusselga jazo choralari joriy etilsa, javob choralari bilan tahdid qildi.

Foto: Lars Penning/dpa/picture alliance

Yevropa Ittifoqi Germaniyaning bosimi ostida Xitoyga elektr transport vositalari uchun subsidiyalar bo‘yicha, Bryusselga ko‘ra, adolatsiz mojaroda muhlat berdi. Yevrokomissiya iyul oyi boshiga qadar Xitoy rasmiylari va yakka avtomobil ishlab chiqaruvchilar bilan bojxona to‘lovlarini vaqtincha oshirish masalasi bo‘yicha muzokaralar olib boradi. Ularning natijalariga qarab, jazo bojlari, muayyan shartlar ostida 4 iyuldan keyin joriy etilishi mumkin, deya xabar berdi regulyator 12 iyun, chorshanba kuni Bryusselda.

Germaniya hukumati va nemis avtomobil ishlab chiqaruvchilari Yevropa Ittifoqi tomonidan Xitoy elektromobillariga jarima bojlari joriy etilishi Xitoy bilan savdo mojarosini keltirib chiqarishidan xavotirda.

Yevropa komissiyasi 12 iyun kuni o‘tgan kuzdan beri olib borilgan tekshiruvga asoslanib, Xitoydan elektromobillar bozorda «adolatsiz subsidiyalar»dan foyda ko‘radi degan xulosaga kelganini bildirdi. Bryusselning ta’kidlashicha, bu Yevropa ishlab chiqaruvchilariga «iqtisodiy zarar» bilan tahdid solmoqda.

Bojlarni keskin oshirish istiqboli

Agar Xitoy bilan muzokaralar natija bermasa, Xitoyda ishlab chiqarilgan elektromobillarga bojlar sezilarli darajada oshirilishi mumkin. Hozirda ular o‘n foizni tashkil etadi, ammo BYD uchun 17,4 foizga, Geely uchun 20 foizga va SAIC uchun 38,1 foizga oshishi ehtimoli bor.

«Agar Xitoy rasmiylari bilan muzokaralar yechim topishga imkon bermasa, 4 iyuldan xavfsizlik kafolatlari asosida dastlabki kompensatsion bojlar joriy etiladi», — deya ma’lum qildi Yevropa komissiyasi va har bir Yevropa Ittifoqi davlati bu borada mustaqil ravishda qaror qabul qilishi mumkinligini ta’kidladi.

Xitoy javob choralari bilan tahdid qilmoqda 

Xitoy Savdo vazirligi YeI tomonidan jazo choralari tahdidini keskin tanqid qildi va javob choralari kiritilishi mumkinligini bildirdi. Pekin keyingi jarayonni diqqat bilan kuzatib boradi va Xitoy firmalarining huquq hamda manfaatlarini himoya qilish uchun barcha zarur choralarni qat’iy ko‘radi, dedi 12 iyun kuni Xitoy Savdo vazirligi vakili. 

Bayonotda, shuningdek, Pekin Yevropa Ittifoqining xatti-harakatlaridan juda xavotirda ekani, Xitoy sanoati esa hafsalasi pir bo‘lganligi ta’kidlanadi, chunki «jarima bojlarini kiritish uchun asos yo‘q». 

Mavzuga oid