Kursk viloyatida dron hujumidan keyin zavodda yong‘in chiqdi
Ukraina uchuvchisiz uchog‘i past kuchlanishli uskunalar ishlab chiqaruvchi «zavod hududiga portlovchi moslama tashladi», dedi Kursk viloyati gubernatori vazifasini bajaruvchi Aleksey Smirnov.
![](https://storage.kun.uz/source/10/kf-R3awXCP7D44duEPHmQ541hi0Wz17U.jpg)
Foto: Telegram / gubernator_46
Rossiyaning Kursk viloyatidagi Korenevo qishlog‘ida joylashgan past kuchlanishli uskunalar zavodida Ukraina uchuvchisiz uchog‘ining hujumi natijasida yong‘in kelib chiqdi. Bu haqda 16 iyul, seshanbaga o‘tar kechasi viloyat gubernatori vazifasini bajaruvchi Aleksey Smirnov ma’lum qildi. Uning so‘zlariga ko‘ra, dron «zavod hududiga portlovchi moslamani tashlagan».
Smirnovning aytishicha, kompaniya xodimlaridan hech biri jabrlanmagan. Shu bilan birga, xavfsizlik kuchlariga yaqin bo‘lgan Mash Telegram-kanali bir qurbon haqida xabar bermoqda. Kanal ma’lumotlariga ko‘ra, yong‘in maydoni 400 kvadrat metrni tashkil etadi.
Past va yuqori voltli uskunalar ishlab chiqaradigan zavod Ukrainaning Sumi viloyati bilan chegaradan taxminan 25 km uzoqlikda joylashgan.
Kursk viloyati muntazam ravishda uchuvchisiz uchoqlar hujumlariga duchor bo‘ladi. Xususan, 14 iyul kuni Sudjyeda teleminora uchuvchisiz samolyot hujumidan so‘ng yonib ketdi. Mash xabariga ko‘ra, iyul oyi boshida Sudjyeda to‘rtta yonilg‘i quyish shoxobchasiga hujum qilingan va hujumlar natijasida ular ishdan chiqqan.
Ukraina tomonidan otishma
Joriy yil boshidan beri Ukraina Qurolli kuchlari (UQK) Rossiya yonilg‘i-energetika kompleksiga uchuvchisiz uchoqlardan zarba berishga e’tibor qaratgan. Olti oy davomida 40 dan ortiq neft bazalari va neftni qayta ishlash zavodlari Ukraina dronlari tomonidan hujumga uchragan. Markaziy va Janubiy Rossiyada zarbalar deyarli barcha yirik neftni qayta ishlash zavodlariga ta’sir qildi. Shundan so‘ng, Rossiyada benzin va dizel ishlab chiqarish 2023 yil oxiridan beri eng past darajaga tushdi va rasmiylar yonilg‘i ishlab chiqarish bo‘yicha operativ statistikani maxfiylashtirdi.
Mavzuga oid
![](https://storage.kun.uz/source/thumbnails/_medium/10/MKztTvuXVSB7G6PhPb3yacf2wgNMb0YA_medium.jpg)
11:28 / 22.08.2024
Ukraina Murmansk viloyatiga dronlar bilan hujum qildi
![](https://storage.kun.uz/source/thumbnails/_medium/10/oo7PZ83vm8xJ60uQ4sTwTQKuakRJwsqN_medium.jpg)
12:38 / 19.08.2024
Rossiya: Kiyevning Kursk AES bo‘yicha provokatsiyalari Yevropada falokatga olib kelishi mumkin
![](https://storage.kun.uz/source/thumbnails/_medium/10/duQzJPn0XACQyxyJaJfyS1dTXMimbnzD_medium.jpg)
12:37 / 19.08.2024
Zelenskiy: Kurskdagi operatsiya rejalashtirilganidek davom etmoqda
![](https://storage.kun.uz/source/thumbnails/_medium/10/xSVm-_z7-QJHyhEK_9qGlUex8Our1Eas_medium.jpg)
12:00 / 19.08.2024