Germaniya Rossiyaga qarshi himoya vositalarini kuchaytirishni taklif qildi
Kremlning harakatlari Yevropada erkinlikka tahdid soladi, Germaniya o‘zini va Boltiqbo‘yi davlatlarini himoya qilishni zarur deb hisoblaydi, dedi Annalena Berbok AQSh bilan uzoq masofali qurollar bo‘yicha kelishuv fonida.
![](https://storage.kun.uz/source/10/iMFZoPr3vtdwOg66KGwzKoTJIiedb4Ye.jpg)
Annalena Berbok Foto: Christian Mang/REUTERS
Germaniya tashqi ishlar vaziri Annalena Berbok Qo‘shma Shtatlar bilan Germaniyada Tomahawk qanotli raketalari va boshqa uzoq masofali qurol tizimlarini vaqtincha joylashtirish to‘g‘risidagi kelishuv haqida gapirdi. Funke media-guruhi Germaniya diplomatiyasi rahbarining so‘zlaridan iqtibos keltirgan: «Rossiya prezidenti Vladimir Putin Yevropada erkinligimizga tahdid soluvchi arsenalni doimiy ravishda kengaytirmoqda».
«Biz o‘zimizni va Boltiqbo‘yidagi hamkorlarimizni bundan himoya qilishimiz kerak, shu jumladan tiyib turishni kuchaytirish orqali», - deya tushuntirdi Berbok. Boshqa har qanday xatti-harakatlar «nafaqat mas’uliyatsizlik, balki sovuqqon, hisob-kitobli Kreml oldida sodda bo‘ladi», deya qo‘shimcha qildi u.
Berlin Moskva bilan boshqacha munosabatda bo‘lishni istaydi, ammo «Rossiya hozirda xavfsizlikka eng katta tahdid solmoqda», deb ta’kidladi Berbok. Uning so‘zlariga ko‘ra, so‘nggi yillarda Kreml qurol-yarog‘ bo‘yicha xalqaro shartnomalarni buzdi va umumevropa tinchlik arxitekturasini yo‘q qildi. Bu bilan Moskva «bizni qo‘rqitmoqchi, bosim o‘tkazmoqchi va jamiyatimizni bo‘lmoqchi», deya qo‘shimcha qildi Germaniya tashqi ishlar vaziri.
Germaniyada Tomahawk raketalari 2026 yildan joylashtiriladi
AQShning NATO bo‘yicha yevropalik hamkorlari himoyasini kuchaytirish to‘g‘risidagi qarori Shimoliy Atlantika alyansi Vashingtondagi sammitida ma’lum bo‘ldi. Tomahawk qanotli raketalari va boshqa uzoq masofaga uchuvchi qurollar Germaniyada 2026 yildan boshlab vaqtinchalik joylashtiriladi. Bundan tashqari, Qo‘shma Shtatlar va Germaniyaning qo‘shma bayonotida SM-6 zenit raketalari va «Yevropadagi mavjud yerusti tizimlaridan sezilarli darajada kattaroq masofaga ega» gipertovushli qurollarning yangi turlari eslatib o‘tiladi.
Kreml bunga javoban Rossiyada bu raketalarni to‘xtatish uchun yetarli salohiyat borligini aytdi. Biroq, Rossiya Federatsiyasi ushbu qurollar joylashtiriladigan joylarni nishon sifatida belgilaydi, dedi Rossiya prezidenti matbuot kotibi Dmitriy Peskov va bu mamlakatlar poytaxtlarini «potensial qurbon» deb atadi.
Berlin Rossiyaning O‘rta va uzoq masofali raketalarni yo‘q qilish shartnomasidan chiqishiga javob sifatida Amerikaning o‘rta masofali raketalarini Germaniyada joylashtirish masalasini ko‘rib chiqmoqda. Germaniya mudofaa vaziri Boris Pistorus Vashington bilan kelishuvni olqishladi. Bu qaror Germaniyaning o‘zi ham bunday qurollarga sarmoya kiritishi kerakligini anglatadi, deya ta’kidladi u.
Mavzuga oid
![](https://storage.kun.uz/source/thumbnails/_medium/10/qLWbaYOEsQBKN3yRY7rmwx33nL4g-xSt_medium.jpg)
20:59 / 07.09.2024
Rossiyadagi omborda o‘zbekistonlik ishchi halok bo‘ldi
![](https://storage.kun.uz/source/thumbnails/_medium/10/YAkQKullZcnyDAwIaMzuLVxpzQGtpARy_medium.jpg)
18:44 / 07.09.2024
Ukrainada halok bo‘lgan Rossiya armiyasi vakillari orasida o‘zbekistonliklar ham bor – OAV
![](https://storage.kun.uz/source/thumbnails/_medium/10/fxlETeUC1B3xkjGTR1P5fOzZAJYTo0TQ_medium.jpg)
15:14 / 07.09.2024
Litva Rossiya bilan chegaradagi ko‘prik mudofaasini mustahkamlamoqda
![](https://storage.kun.uz/source/thumbnails/_medium/10/foP0P-Y5zWLV0_KRHmn9gpwZDkyIEzUa_medium.jpg)
13:00 / 07.09.2024