Toshkent viloyatida ichimlik suvidan noqnuniy foydalangan korxona rahbari 5 yilga qamaldi

Shuningdek, u jarimaga ham tortildi.

Foto: «Toshkent viloyati suv ta’minoti» AJ

Toshkent viloyati, Yangiyo‘l tumanida ichimlik suvi tarmog‘iga noqonuniy ulangan korxona rahbari sud tomonidan ozodlikdan mahrum etildi.

«Toshkent viloyati suv ta’minoti» AJ xabariga ko‘ra, «HTB-AS INVEST» korxonasi ichimlik suvi tarmog‘iga o‘zboshimchalik bilan ulangan va davlatga qariyb 295 mln so‘m zarar yetkazgan.

Korxona rahbari A.X. Jinoyat kodeksining 169-moddasi 3-qismi «v» bandida nazarda tutilgan jinoyatni sodir etganlikda aybdor deb topilib, 5 yil 1 oy muddatta ozodlikdan mahrum qilingan. Shuningdek, 45 mln so‘m miqdorida jarimaga tortilgan.

Tayyorlagan: Сардор Юсупов

#Toshkent viloyati #ichimlik suvi #o‘g‘rilik