Toshkent metropolitenida metall detektorlar o‘rnatiladi

Bu xavfsizlik choralarini ta’minlash va yo‘lovchilarga sifatli xizmat ko‘rsatish bilan izohlanmoqda.

Foto: Kun.uz

Toshkent metropolitenining barcha bekatlarida maxsus metall detektor qurilmalarini o‘rnatish ishlari boshlandi. Bu haqda «Toshkent metropoliteni» DUK xabar berdi.

Qayd qilinishicha, Toshkent metropolitenidan foydalanuvchi yo‘lovchilar soni kun sayin ortib bormoqda. Bu esa metropoliten xodimlaridan qo‘shimcha mas’uliyat va javobgarlikni talab etadi. Shu bois, bekatlardagi xavfsizlik choralarini ta’minlash va yo‘lovchilarga sifatli xizmat ko‘rsatish maqsadida barcha metro bekatlarida maxsus metall detektor qurilmalarini o‘rnatiladi.

«Shu o‘rinda yo‘lovchilardan o‘zi va o‘zgalar xavfsizligiga befarq bo‘lmasliklarini hamda xavfsiz xizmat ko‘rsatilishida yaqindan yordam berishlarini so‘raymiz», deyiladi xabarda.