Qoʻshimcha funksionallar
-
Tungi ko‘rinish
Latviya mamlakat sharqida Rossiya droni qulashi holatini tekshirmoqda
Edgars Rinkevichsning so‘zlariga ko‘ra, 7 sentabr kuni Latviya sharqida Rossiyaning uchuvchisiz uchog‘i qulagan.

Foto: Aleksandr Gusev/Pacific Press/picture alliance
Latviya Rossiya harbiy uchuvchisiz uchish apparati (UUA) qulashiga oid tergov ishlarini olib bormoqda. Bu haqda 8 sentabr, yakshanba kuni Latviya prezidenti Edgars Rinkevichs X ijtimoiy tarmog‘ida ma’lum qildi.
Unga ko‘ra, dron 7 sentabr kuni Latviya sharqida qulagan.
«NATOning sharqiy qanotidagi bunday hodisalar soni ortib bormoqda va biz ularni birgalikda hal qilishimiz kerak», — dedi davlat rahbari va Riga o‘z ittifoqchilari bilan yaqin aloqada ekanini qo‘shimcha qildi.
Latviya Mudofaa vazirligining aniqlik kiritishicha, qurilma Rigadan 224 km sharqda joylashgan Rezekne viloyatida qulagan.
Latviya qurolli kuchlari NATOga xabar berdi
Latviya milliy qurolli kuchlarining dastlabki ma’lumotlariga ko‘ra, uchuvchisiz uchoq Belarus yo‘nalishidan o‘z havo hududiga o‘tgan.
Milliy qurolli kuchlari hodisa haqida NATO qo‘mondonligini xabardor qildi. Latviya hukumati va huquq-tartibot idoralari, shuningdek, mintaqadagi boshqa NATO davlatlari voqea haqida boxabar etilgan.
Bu voqea Riga Latviyaning sharqiy chegarasini mustahkamlash, jumladan, havo hujumidan mudofaa va radioelektron kurash imkoniyatlarini rivojlantirish ustida ishlashni davom ettirishi kerakligini tasdiqlaydi, dedi mudofaa vaziri Andris Spruds.
Rossiyaning Ukrainadagi urushi munosabati bilan Latviya quruqlik chegaralari, havo hududi va hududiy suvlarini himoya qilishni kuchaytirmoqda. Milliy qurolli kuchlar mamlakatning sharqiy chegarasida havo mudofaasini kuchaytirmoqda. NATO ittifoqchilari Boltiqbo‘yi davlatlari ustidan havo patrul missiyalarini rotatsiya bo‘yicha amalga oshirmoqda.
Rossiya dronlari - Belarus havo hududida
Latviya osmoni NATO havo hududining bir qismidir, deya eslatdi Mudofaa vazirligi.
7 sentabrga o‘tar kechasi Rossiya tomonidan Ukraina hududini o‘qqa tutayotganda kamida sakkizta dron Belarus havo hududiga kirgani ma’lum bo‘ldi.
Tavsiya etamiz
Urushga tayyor Jo‘laniy, taksidagi Pizishkiyon – hafta dayjesti
Jahon | 12:00 / 20.07.2025
Lyov yoki Kapadze. Milliy jamoa boshqaruvida o‘zgarish qilish kerakmi?
Sport | 11:30 / 20.07.2025
Odamlar eng tez va sekin qariydigan mamlakatlar aniqlandi
Jahon | 21:57 / 17.07.2025
Jinoyat olamida bunaqasi kam uchraydi: yashirin ustaxona va g‘oyib bo‘lgan 276 ta mashina
Jamiyat | 13:40 / 16.07.2025
So‘nggi yangiliklar
-
O‘zbekistonning Belarusdagi turizm elchisi tayinlandi
O‘zbekiston | 08:51
-
Rossiya armiyasi haqidagi «feyklar» ishi bo‘yicha ayblanuvchilar «terrorchilar ro‘yxati»ga kirdi
Jahon | 08:40
-
Qirg‘iziston O‘zbekistonda kigiz mahsulotlari ishlab chiqarmoqchi
Iqtisodiyot | 08:30
-
AQSh sobiq davlat kotibi Rays Trampning Rossiyaga ultimatumini qo‘llab-quvvatladi
Jahon | 08:18
Mavzuga oid

15:07 / 21.07.2025
Latviya O‘zbekistonda xalqaro maktab tashkil etish imkonini ko‘rib chiqmoqda

07:50 / 18.07.2025
Soha vakillari: Germaniya dronlar hujumidan o‘zini himoya qila olmaydi

07:40 / 18.07.2025
Latviya sudi "Dojd" litsenziyasini qaytarib olish qarorini bekor qildi

07:51 / 17.07.2025