Qo‘qonda gaz to‘ldirish shoxobchasida turgan avtobusda yong‘in sodir bo‘ldi

Qo‘qon shahrida joylashgan avtomobillarga siqilgan gaz quyish shoxobchasida turgan avtobusda yong‘in sodir bo‘lgan. Bu haqda Farg‘ona viloyati IIB YHXB axborot xizmati xabar bermoqda.

Ma’lum qilinishicha, bugun 2024 yil 13 sentabr kuni soat 19:30 larda Qo‘qon shahri, “Yorqo‘rg‘on” ko‘chasida joylashgan AGsh kompressor shoxobchasida gaz to‘ldirayotgan “ISUZU” rusumli avtobusning dvigatel qismida yong‘in sodir bo‘lgan.

Yong‘in Qo‘qon shahar FVBning o‘t o‘chirish bo‘linmasi tomonidan qisqa vaqt ichida bartaraf etilgan. Hodisada hech kim tan jarohati olmagan va halok bo‘lmagan. Avtobusga jiddiy shikast yetgan.