Tsukerberg dunyodagi eng badavlat insonlar reytingida Amazon asoschisini ortda qoldirdi

Bloomberg Billionaires Index’ning navbatdagi milliarderlar reytingini yuqori pog‘onalarida o‘zgarish sodir bo‘ldi. Meta Platforms asoschisi va rahbari Mark Tsukerberg boyligi jihatidan Amazon asoschisi Jyeff Bezosdan o‘zib ketdi va reytingda ikkinchi o‘rinni egalladi.

Hozirda Tsukerbergning boyligi 206,2 milliard dollarga baholanmoqda, bu reytingda uchinchi o‘rinni egallagan Amazon rahbarinikidan 1 milliard dollarga ko‘p demak. Ammo Tsukerbergning ayni kunlarda birinchi o‘rinda ketayotgan Ilon Maskdan ancha ortda: ularning orasidagi farq qariyb 50 milliard dollar. Qayd etilishicha, Maskning boyligi oktyabr oyida 256 milliard dollarni tashkil etmoqda.

Tadqiqotchilarning ta’kidlashicha, joriy yilda Mark Tsukerberg o‘z boyligini 78 milliard dollarga oshirishga muvaffaq bo‘lgan. Bu Meta ortidan kelgan daromad va 60 foizdan ortiqqa ko‘tarilgan kotirovkalar hisobiga yuz bergan.

Avvalroq Meta kompaniyasi asoschisi Mark Tsukerbergning boyligi Metaverse loyihasi ishga tushirilganidan beri olti barobarga oshib, 201 milliard dollarga yetgani to‘g‘risida xabar berilgandi. Shuningdek, amerikalik tadbirkor, SpaceX va Tesla asoschisi Ilon Mask 2027 yilga borib dunyodagi birinchi trillionerga aylanishi mumkinligi aytilgan edi. Tadqiqotchilar Maskning boyligi har yili o‘rtacha 110 foizga oshayotganini hisobga olgan.