Iroq: G‘azo va Livandagi urush boshqa mintaqalarda yangi mojarolarga olib kelishi mumkin

Iroq tashqi ishlar vaziri Fuad Husayn Isroilning G‘azo sektori va Livanga hujumlarini davom ettirishi mintaqada yangi mojarolarga olib kelishi mumkinligini aytdi.

Bu haqda u Xorvatiya bosh vaziri Andrey Plenkovich bilan Zagrebda bo‘lib o‘tgan uchrashuvda ma’lum qildi, deya xabar beradi TIV matbuot xizmati.

Uchrashuvda Isroilning G‘azo va Livanga hujumlariga javoban umumiy pozitsiyani ishlab chiqish uchun muvofiqlashtirish zarurati muhokama qilindi.

Husayn G‘azo va Livandagi urushning davom etishi boshqa mintaqalarda yangi mojarolarga olib kelishi mumkinligidan ogohlantirdi.

TIV rahbari, shuningdek, bunga yo‘l qo‘ymaslik uchun Isroilga bosimni kuchaytirish zarurligini ta’kidladi.

Iroq tashqi ishlar vaziri 16 oktyabr kuni Irlandiya, Chexiya, Xorvatiya va Fransiyani qamrab olgan Yevropa safarini boshladi.