RF TIV idora resurslariga keng ko‘lamli DDoS-hujum haqida xabar berdi

Mutaxassislar keng ko‘lamli DDoS-hujum munosabati bilan Rossiya Tashqi ishlar vazirligi resurslari ishini tiklash ustida ishlamoqda. Bu haqda TASS agentligiga diplomatik idora rasmiy vakili Mariya Zaxarova ma’lum qildi.

«Tashqi ishlar vazirligining internet-platformalariga keng ko‘lamli DDoS-hujum munosabati bilan biz brifingni qoldiramiz. Sayt mobil qurilmalardan ochilmayapti va hokazo», — dedi Zaxarova. Diplomatning qayd etishicha, mutaxassislar resurslarning ishini tiklash ustida ishlamoqda.

Avvalroq Rossiya TIV rasmiy vakilining brifingi o‘tkazilishi belgilangan edi, biroq odatda tadbir translatsiya qilinadigan TIV sayti ochilmayapti.