Surxondaryo viloyatiga yangi prokuror tayinlandi

Bosh prokuratura boshqarma boshlig‘i lavozimida ishlab kelgan adliya katta maslahatchisi Baxtiyor Bobojonov Surxondaryo viloyati prokurori etib tayinlandi.

Baxtiyor Bobojonov / Foto: Bosh prokuratura

Bosh prokurorning buyrug‘iga asosan, adliya katta maslahatchisi Baxtiyor Bekovich Bobojonov Surxondaryo viloyati prokurori etib tayinlandi. Bu haqda Bosh prokuratura matbuot xizmati xabar berdi.

Bobojonov tayinlovga qadar Bosh prokuratura boshqarma boshlig‘i lavozimida ishlagan.

Kuni kecha Bosh prokuraturadagi yana bir boshqarma boshlig‘i Murodullo Abduhakimov Andijon viloyati prokurori lavozimiga tayinlangan edi.

#Surxondaryo viloyati #Baxtiyor Bobojonov