Qozog‘istonda ayollarning ish vaqtini qisqartirish taklif qilindi
Qozog‘istonlik deputat Qaraqat Abden, shuningdek, mamlakat hukumatiga pul to‘lanadigan «dekret» ta’tilini ikki yilgacha uzaytirish taklifi bilan chiqdi. Uning so‘zlariga ko‘ra, bu oila institutini mustahkamlashga xizmat qiladi.
![](https://storage.kun.uz/source/10/PqTzp877X2a-6oP-yWpBmWLdQ2rISukt.jpeg)
Foto: Pexels
Qozog‘istonda Skandinaviya davlatlari tajribasidan kelib chiqib ayollar uchun ish vaqti qisqartirilishi mumkin. Deputat Qaraqat Abden mamlakat bosh vaziri Oljas Bektenov nomiga shu kabi taklifni bildirdi.
Abden o‘zining deputatlik so‘rovida so‘nggi yillarda Qozog‘istonda ayollar yetakchiligi sohasida davlat siyosatini takomillashtirishga qaratilgan qator islohotlar o‘tkazilganini qayd etdi.
«So‘nggi yillarda ayol tuman hokimlari soni 8 foizga oshdi, ayollar rahbarlik lavozimlariga yanada dadil va qat’iy o‘ta boshladi. Ammo ko‘rilayotgan ushbu qadamlarga qaramay, bu boradagi o‘zgarishlar sanoqli ko‘rsatkichlarni tashkil etmoqda, bizga tizimli o‘zgarishlar kerak», — deydi Abden.
Deputat o‘z so‘rovida keltirgan statistikaga ko‘ra, 2024 yilda davlat xizmatchilari orasidagi ayollar soni 55,7 foizni tashkil etgan, ammo ularning rahbarlik lavozimlaridagi ulushi kam — 20,3 foiz. Shu bilan birga, Abden mamlakat mustaqillikka erishgandan beri siyosiy lavozimlarni egallagan ayollar ulushi hech qachon 15 foizdan oshmaganini ta’kidladi.
Deputat hukumatga ayollar yetakchiligini rivojlantirishga xizmat qiladigan qator takliflarni bildirdi. Xususan, Qaraqat Abden pul to‘lanadigan «dekret» ta’tilini ikki yilgacha uzaytirish, shuningdek, Skandinaviya davlatlari tajribasidan kelib chiqib ayollar uchun ish vaqtini qisqartirishni taklif qildi.
«Bu oila institutini mustahkamlashga xizmat qiladi, ayollar farzand tarbiyasiga ko‘proq e’tibor qaratadi», — deydi u.
Tavsiya etamiz
Toshkent bozorlarida patta narxi oshadi. Savdogarlar nima deydi?
O‘zbekiston | 19:32 / 10.02.2025
Sertifikatga ega o‘zbek tili o‘qituvchilariga ham 50 foiz ustama beriladi
O‘zbekiston | 16:36 / 10.02.2025
Quyosh energiyasi orqali daromad olish: O‘zbekistonda quyosh panellari bilan biznes faoliyati
O‘zbekiston | 15:00 / 10.02.2025
Trampning o‘tmishdagi kumiri. Uilyam Mak-Kinli haqida nimalar ma’lum?
Jahon | 14:52 / 09.02.2025
So‘nggi yangiliklar
-
AQSh Mark Fogel evaziga rossiyalik Aleksandr Vinnikni ozod qiladi
Jahon | 23:11 / 12.02.2025
-
Tramp HAMASga «jahannam bilan» tahdid qildi. Nima gap o‘zi?
Jahon | 22:55 / 12.02.2025
-
Tramp va Putin Ukraina bo‘yicha muzokaralarni zudlik bilan boshlashga kelishib oldi
Jahon | 22:32 / 12.02.2025
-
O‘zbekistonda qamoqdan ozod etilgan shaxslarga 2,25 mln so‘mdan pul to‘lanadi
O‘zbekiston | 22:19 / 12.02.2025
Mavzuga oid
![](https://storage.kun.uz/source/thumbnails/_medium/11/dhHNqlTbYIz5d5d0AYBsdRVjAZvk0mKb_medium.jpg)
11:20 / 12.02.2025
Qozog‘istonda politsiya xodimlari uch o‘zbekistonlikning pasportini olib qo‘ydi
![](https://storage.kun.uz/source/thumbnails/_medium/11/Q-zghZmKqsaHv8DL_VoQatkXJ2sfDsGC_medium.jpg)
12:18 / 11.02.2025
Qozog‘iston FVV yo‘lda qolib ketgan o‘zbekistonliklarni evakuatsiya qildi
![](https://storage.kun.uz/source/thumbnails/_medium/11/Vknda_T-3riOMx6XIsyKBlmplpbAQFqQ_medium.jpg)
19:19 / 05.02.2025
Ozarboyjon hukumati AZAL samolyoti halokati bo‘yicha Qozog‘iston hisobotiga izoh berdi
![](https://storage.kun.uz/source/thumbnails/_medium/11/5BGQNFaN43nn7oW4UXcRusd4tgd4LWcR_medium.jpg)
16:48 / 05.02.2025