Misr Toshkent viloyatida ko‘chmas mulk sohasiga investitsiya kiritmoqchi

O‘zbekiston elchixonasi diplomatlari Misrning Investia Venture Capital kompaniyasi asoschisi va rahbari Samir al-Alayli, Landmark Development kompaniyasi raisi Ahmad Sabbur bilan uchrashuv o‘tkazdi.

Foto: Dunyo

Suhbat davomida Toshkent viloyatida ko‘chmas mulk sohasiga investitsiya kiritish masalalari muhokama qilindi.

Shuningdek, Toshkent viloyatining turizm salohiyatini yuksaltirishga oid qurilish-bunyodkorlik loyihalarida misrlik investorlarning ishtiroki, ular tomonidan amalga oshirilishi mumkin bo‘lgan loyihalar taqdimotlari va takliflar ko‘rib chiqildi.

Uchrashuv yakunida ushbu takliflar yuzasidan fikr almashish va ularni amalga oshirishni jadallashtirish maqsadida yaqin kunlarda Toshkent viloyati hokimligi mas’ullari bilan onlayn muzokaralar o‘tkazishga kelishib olindi.