Qoʻshimcha funksionallar
-
Tungi ko‘rinish
Toshkentda yo‘lovchi tashuvchi avtobus boshqaruvni yo‘qotib YTH sodir etdi
King Long haydovchisi boshqaruvni yo‘qotgan va avtobus yo‘l chetidagi ko‘chat sotiladigan joyga kirib ketgan.
Toshkent shahrida yo‘lovchi tashuvchi avtobus boshqaruvni yo‘qotib, yo‘l-transport hodisasi sodir etdi. Bu haqda “Toshshahartransxizmat” AJ matbuot xizmati xabar bermoqda.
Hodisa 2024 yil 11 noyabr kuni soat 06:00 larda “18-avtobus saroyi” filiali tasarrufidagi King Long rusumli, 121-sonli yo‘nalishda harakatlanayotgan avtobus bilan sodir bo‘lgan.
Avtobus Xalqa avtomobil yo‘li ko‘chasining Uchtepa tumani Beltepa mazvesi bo‘ylab harakatlanib borayotgan vaqtda boshqaruvni yo‘qotib, yo‘l chetidagi ko‘chatlar sotiladigan joyga kirib ketgan.
Oqibatda 1 nafar yo‘lovchi yengil tan jarohati olgan va tez tibbiy yordam ko‘rsatilgan. Avtobus texnik shikastlangan.
Surishtiruvlarda YTH avtobus haydovchisi aybi bilan sodir etilgan deb topilgan. Avtobusga yetkazilgan moddiy zararni qoplash haydovchi zimmasiga yuklangan.
Qayd etilishicha, hozirda holat Toshkent shahar IIBB YHXB xodimlari tomonidan rasmiylashtirilib, surishtiruv ishlari olib borilmoqda.
Ma’lumot uchun, 11 noyabr kuni soat 19:50 larda King Long “gormoshka” avtobusi va Lacetti ishtirokida YTH sodir bo‘lgan. Oqibatda avtobus haydovchisi jarohat olgandi.
Mavzuga oid
20:04
Otasining yoniga ko‘milgan qizaloqlar: opa-singil mast “poygachi”ning qurboni bo‘ldi
11:28
Farg‘onada sodir bo‘lgan YTHda voyaga yetmagan qiz halok bo‘ldi
16:02 / 20.11.2024
Varshava ko‘chalaridagi o‘limlar 2 barobarga kamaytirildi: qanday qilib?
09:31 / 20.11.2024