Farg‘ona aeroportida havo kemalarini qabul qilishga vaqtinchalik cheklovlar joriy etildi

Mahalliy vaqt bilan soat 17:02 dan boshlab ob-havo sharoiti yomonlashgani sababli Farg‘ona xalqaro aeroportida havo kemalarini qabul qilishga vaqtinchalik cheklovlar joriy etildi. Bu haqda Uzbekistan Airports matbuot xizmati xabar berdi.

Qayd etilishicha, cheklovlar vaqtida barcha reyslar muqobil aerodromlarga yo‘naltiriladi.

Uzbekistan Airways aviakompaniyasining Novosibirsk — Farg‘ona yo‘nalishidagi HY-670 reysi Namangan muqobil aeroportiga yo‘naltirilgan.

Avvalroq Uzbekistan Airports joriy yil 9 oyida mamlakat xalqaro aeroportlari tomonidan 82 637 ta reysga xizmat ko‘rsatilgani to‘g‘risida xabar bergandi. Shundan 4 092 ta reys Farg‘ona xalqaro aeroporti hisobiga to‘g‘ri keladi.