Auksionda 6,2 million dollarga sotib olingan bananni o‘z egasi yeb qo‘ydi

Bozordagi kapitallashuvi 17,4 milliard dollar bo‘lgan eng yirik blokcheyn loyihalaridan biri Tron asoschisi Jastin Sun avvalroq 6,2 million dollarga sotib olgan bananni yedi. U o‘z xatti-harakatining sababini tushuntirmadi.

Jastin Sun 21 noyabr kuni «Comedian» deb nomlangan va devorga yopishtirilgan banan ko‘rinishidagi art-obektni Sotheby's auksionida 6,2 million dollarga sotib olgan edi.

🍌 BREAKING: Justin Sun eats the $6.2M banana art he purchased. pic.twitter.com/3Qj1ANpTYX

— Cointelegraph (@Cointelegraph) November 29, 2024

«Bu shunchaki san’at asari emas: u san’at, memlar va kriptovaluta hamjamiyatini bog‘laydigan madaniy hodisani ifodalaydi. Ishonchim komilki, bu ish yangicha fikrlash va munozaralarni ilhomlantirib, tarixning bir qismiga aylanadi», deb yozgan edi Sun xaridi haqida.

«Comedian» san’atning konseptual asari bo‘lib, u devorga skoch lentasi bilan yopishtirilgan banan edi. U 2019 yilda Art Basel Miami Beach yarmarkasida rassom Mauritsio Kattelan tomonidan taqdim etildi. Asarda rassom tomonidan Mayamidagi oziq-ovqat do‘konidan sotib olingan banan ishlatilgan.