Qoʻshimcha funksionallar
-
Tungi ko‘rinish
Putin Butunjahon do‘stlik o‘yinlarini noma’lum muddatga qoldirdi
Do‘stlik o‘yinlari Rossiya tomonidan Olimpiya o‘yinlarining analogi sifatida rejalashtirilgan va sentabr oyida bo‘lib o‘tishi kerak edi. Yozda uning o‘tkazilishi 2025 yilga ko‘chirildi va endi Putin sabablarni ko‘rsatmasdan turib, uni «keyingi topshiriqqacha» qoldirdi.
Foto: Dmitry Serebryakov/AP/dpa/picture alliance
Moskva Olimpiya o‘yinlarining analogi sifatida rejalashtirgan Butunjahon do‘stlik o‘yinlari noma’lum muddatga qoldirildi. Bu haqdagi Rossiya prezidenti Vladimir Putinning farmoni 2 dekabr, dushanba kuni huquqiy axborot portalida e’lon qilindi.
Hujjatga ko‘ra, dastlab 2024 yilning 15-29 sentabr kunlari Moskva va Yekaterinburg shaharlarida o‘tkazilishi rejalashtirilgan, keyin esa 2025 yilga ko‘chirilgan Do‘stlik o‘yinlari «maxsus topshiriqqa» qadar qoldirildi. Qaror «sportchilar va sport tashkilotlarining xalqaro sport tadbirlariga erkin kirish huquqini himoya qilish» bilan izohlanadi. Putinning farmonida aniqroq sabablar haqida hech narsa aytilmagan.
Rossiya hukumati Ukrainadagi urush tufayli rossiyalik sportchilarning xalqaro musobaqalarda ishtirok etmasligiga javoban Olimpiada o‘tkaziladigan yillarda Do‘stlik o‘yinlarini tashkil etish qarorini e’lon qildi. Putinning tegishli farmoni 2023 yil oktyabr oyida imzolangan.
Xalqaro olimpiya qo‘mitasi (XOQ) bu tashabbusni tanqid qilib, bu Moskvaning «sportni siyosiylashtirish»ga qaratilgan urinishi ekanini bildirdi. XOQ sportchilarni Do‘stlik o‘yinlarida qatnashishdan bosh tortishga chaqirdi.
Mavzuga oid
16:40 / 18.12.2025
«Yevropalik cho‘chqachalar qulashimizdan umid qilgan» - Putin Bayden ma’muriyati va yevropaliklarni urushni boshlashda aybladi
13:21 / 17.12.2025
Putin Baykal atrofida “sanitar” maqsadda o‘rmonlarni kesishga ruxsat berdi
20:00 / 10.12.2025
«Hech kimga sezdirmasdan». Putin o‘zi ham mashina haydab turishi va Moskva ko‘chalaridagi kurerlar haqida
08:35 / 10.12.2025