Fransiya Yevrokomissiyani Ilon Maskka qarshi chora ko‘rishga chaqirdi

Fransiya tashqi ishlar vaziri Jan-Noel Barro Yevropa komissiyasini amerikalik tadbirkor Ilon Maskka nisbatan qattiqroq chora ko‘rishga chaqirdi, deb xabar beradi Reuters.

«Yevropa komissiyasi YeIning o‘ziga xos raqamli makonini himoya qilishni ta’minlash yo‘lida mavjud qonunlarni nisbatan qat’iyat bilan qo‘llaydi yoki buni amalga oshirmaydi. Mazkur holatda ushbu funksiyani a’zo davlatlarga, xususan, Fransiyaga o‘tkazish masalasini ko‘rib chiqish kerak», — deydi Barro.

Fransiya hukumati uchun raqamli bozorlar o‘rtasida muvozanatni saqlash va Yevropa raqamli siyosatining qat’iy standartlarga muvofiqligini ta’minlash muhim ahamiyatga ega. Ayni vaqtda Mask kabi kuchli raqamli o‘yinchilarga nisbatan DES standartlarini (ayrim ma’lumotlarni shifrlash standarti) aniq va qat’iy joriy etish dolzarb masala hisoblanadi.

Avvalroq Fransiya prezidenti Emmanuel Makron Ilon Maskni Yevropa siyosatiga aralashishda ayblagan edi. «10 yil oldin dunyodagi eng yirik ijtimoiy tarmoqlardan birining egasi saylovlarga, shu jumladan, Germaniyadagi saylovlarga bevosita aralashishini kim ham tasavvur qilgandi», — degan Fransiya prezidenti.

Norvegiya bosh vaziri Yonas Gar Styore ham Maskning siyosatga aralashuvidan xavotirda ekanini bildirgan.