Issiqxona gazlarini mustaqil tekshirish tashkiloti faoliyati yo‘lga qo‘yiladi

Kimyo sanoati korxonalarining issiqxona gazlari ajratmalarini xatlovdan o‘tkazish va uglerodni tartibga solish mexanizmlari ta’sirini baholash rejalashtirilmoqda.

2025 yilga mo‘ljallangan davlat dasturi loyihasi muhokama uchun e’lon qilindi.

Unga ko‘ra, milliy shaffoflik tizimi doirasida issiqxona gazlarini mustaqil tekshirish tashkiloti (validatsiya va verifikatsiya kompaniyasi) faoliyati yo‘lga qo‘yiladi.

Issiqxona gazlari ajratmalarini tekshirish tashkiloti (validatsiya va verifikatsiya kompaniyasi) belgilangan tartibda akkreditatsiyadan o‘tkaziladi.

Kimyo sanoati korxonalarining issiqxona gazlari ajratmalarini xatlovdan o‘tkazish va uglerodni tartibga solish mexanizmlari ta’sirini baholash rejalashtirilmoqda.

Mahalliy kimyo sanoati mahsulotlarini ishlab chiqaruvchi 2 ta korxonaning issiqxona gazlari ajratmalari tajriba–sinov tariqasida xatlovdan o‘tkaziladi.

Xatlov natijasidan kelib chiqib, xalqaro talablarga tayyorgarlik darajasini oshirish bo‘yicha takliflar ishlab chiqiladi va Vazirlar Mahkamasiga kiritiladi.