Kellogg Ukrainada Zelenskiy bilan uchrashgandan keyin birinchi bayonot bilan chiqdi
Trampning maxsus vakili Ukrainaning boshqa yuqori martabali rasmiylari bilan ham gaplashgan.

Foto: Reuters
AQSh prezidenti Donald Trampning Ukraina va Rossiya bo‘yicha maxsus vakili Kit Kellogg Kiyevda Ukraina prezidenti Vladimir Zelenskiy bilan uchrashuvdan so‘ng ilk bayonotini berdi. U kunni mamlakat oliy rahbariyati bilan muloqotda o‘tkazganini ta’kidladi.
«Ukraina oliy rahbariyati bilan uzoq va to‘laqonli muloqot kuni. Urushdagi mamlakatning jasoratli rahbari Vladimir Zelenskiy va milliy xavfsizlikni ta’minlagan iste’dodli jamoasi bilan keng va ijobiy muhokamalar bo‘ldi», deb yozdi u ijtimoiy tarmoqda.
Kelloggning so‘zlari Zelenskiyning Kiyevda u bilan uchrashgandan keyingi birinchi bayonotiga javob bo‘ldi. Ukraina prezidenti so‘zlariga ko‘ra, Trampning maxsus vakili bilan uchrashuv mamlakat AQSh bilan hamkorlikni davom ettirishiga «umidni tikladi».
«General Kellogg bilan biz frontdagi vaziyatni, Rossiyada saqlanayotgan barcha harbiy asirlarimizni ozod qilish zarurligini va aniq, ishonchli xavfsizlik kafolatlari tizimi zarurligini muhokama qildik - bu urush hech qachon qaytmasligini va Rossiya endi odamlarni hayotdan mahrum etmasligini ta’minlaydi», dedi Zelenskiy ijtimoiy tarmoqda.
19 fevral kuni AQSh prezidenti Donald Trampning Ukraina va Rossiya bo‘yicha maxsus vakili Kit Kellogg Kiyevga tashrif buyurib, prezident Zelenskiy bilan uchrashdi. Tomonlar muloqot yakuniga ko‘ra matbuot anjumanida ishtirok etishi lozim edi. Biroq tadbir noma’lum sabablarga ko‘ra o‘tkazilmadi.
Avvalroq Ukraina prezidenti AQSh maxsus vakili Kellogg Kiyevga tashrifi chog‘ida Ukraina fuqarolari va harbiy xizmatchilari bilan urushni tugatish masalasida Vashingtonning to‘g‘ri pozitsiyasini aniqlashi kerakligi haqida ma’lum qilgandi. Zelenskiy so‘zlariga ko‘ra, Kelloggning o‘zi Kiyev va boshqa shaharlarni kezib, xalq bilan shaxsan muloqot qilishi muhim.
Tavsiya etamiz
Bozor – go‘sht narxi haqida: “Yem-xashak qimmat, mol boqish oson bo‘lmay qoldi”
O‘zbekiston | 17:00 / 27.05.2025
Poytaxt bosh rejasi interaktiv xaritada: unda nimalar aks etgan?
O‘zbekiston | 14:30 / 27.05.2025
“Viza berishni osonlashtirish haqida gap-so‘z yo‘q” – AQSh elchixonasi
O‘zbekiston | 19:28 / 26.05.2025
Makron Vetnamga tashrifi chog‘ida rafiqasidan shappati yedi
Jahon | 16:40 / 26.05.2025
So‘nggi yangiliklar
-
Toshkent viloyatida 40 ta mikro GES quriladi
O‘zbekiston | 17:35
-
Birlik sari 71 qadam. Turkiy liderlar ilk marta Vengriyada yig‘ildi
Jahon | 17:20
-
"Biznesni rivojlantirish banki" biznes uchun qulay innovatsion bank bo‘lishga intilmoqda
O‘zbekiston | 17:00
-
Prezident akademik Azimboy Sa’dullayev vafoti munosabati bilan ta’ziya bildirdi
Jamiyat | 16:45
Mavzuga oid

16:43
Zelenskiy Putin va Tramp bilan uchtomonlama uchrashuv o‘tkazishni taklif qildi

15:30
AP: Rossiya qamoqxonalarida 200 dan ortiq ukrainalik harbiy asir halok bo‘ldi

13:11
NYT: Rossiya Zaporijjya AESni o‘z energotizimiga ulashni rejalashtirmoqda

11:58