Ikki hududda valuta savdosi bilan shug‘ullanib kelganlar ushlandi

Qashqadaryo va Buxoro viloyatlarida valuta qimmatliklari savdosi bilan shug‘ullanib kelgan shaxslar ushlandi.

Foto: Iqtisodiy jinoyatlarga qarshi kurashish departamenti

Bosh prokuratura huzuridagi Iqtisodiy jinoyatlarga qarshi kurashish departamenti ma’lum qilishicha, Dehqonobod tumaniga fuqaro E.S. fuqaro B.T.ga 3,7 ming dollarni 48,1 mln so‘mga sotgan vaqtida ushlangan.

Shuningdek, Jondor tumanida fuqaro B.B. fuqaro U.Q.ga 3,4 ming dollarni 45 mln so‘mga sotgan vaqtida ushlangan.

Bundan tashqari, Buxoro shahrining “Karvon bozori” savdo markazida fuqaro D.A. fuqaro G.B.dan 3,3 ming dollarni 42,5 so‘mga sotib olgan vaqtida ushlangan.

Mazkur holatlar yuzasidan Jinoyat kodeksining 177-moddasi (valuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.

#valuta #savdo