Litva gurjistonlik 74 nafar amaldorni «qora ro‘yxat»ga kiritdi
Ushbu amaldorlar inson huquqlarini tizimli ravishda buzib kelgan bo‘lib, ular orasida Gurjiston Konstitutsiyaviy sudining 7 nafar sudyasi ham bor.
Litva gurjistonlik 74 nafar amaldorni o‘zining «qora ro‘yxati»ga qo‘shib, ularning mamlakatga kirishini taqiqladi. Bu haqda Litva TIV bayonotiga tayanib, Anadolu xabar berdi.
Qayd etilishicha, amaldorlar inson huquqlarini tizimli ravishda buzib kelganliklari uchun ro‘yxatga kiritilgan. Ular orasida Gurjiston Konstitutsiyaviy sudining yetti nafar sudyasi, shuningdek, boshqa sudyalar, prokurorlar va politsiya xodimlari ham bor.
Ma’lum qilishicha, «jurnalist Mziya Amaglobeliga qarshi yolg‘on ko‘rsatma bergan va uning noqonuniy ravishda qo‘lga olinishida ishtirok etgan» shaxslarga nisbatan ham cheklovlar qo‘llanilgan.
Bayonotda aytilishicha, Boltiqbo‘yi davlatlari qariyb 100 kundan beri «hukmron «Gurjiston orzusi» partiyasining harakatlariga» qarshi namoyish o‘tkazayotgan Gurjiston xalqini qo‘llab-quvvatlaydi.
2024 yil noyabr oyida «Gurjiston orzusi» partiyasi mamlakatning Yevropa Ittifoqiga qo‘shilishi bo‘yicha muzokaralar to‘xtatilishini rasman e’lon qilgandi. Ushbu qadam keng jamoatchilik noroziligiga sabab bo‘lib, butun mamlakat bo‘ylab ommaviy noroziliklarni keltirib chiqardi.
Avvalroq Gurjistonning Ma’muriy javobgarlik to‘g‘risidagi kodeksida mansabdor shaxslarni haqorat qilish bo‘yicha yangi modda paydo bo‘lgani to‘g‘risida xabar berilgandi. Bundan tashqari, ayrim ma’muriy huquqbuzarliklar uchun jarima va qamoqqa olish muddatlari oshirilgan, Jinoyat kodeksiga ham o‘zgartirishlar kiritilgan.
Tavsiya etamiz
Nima uchun Koreyani tanlash yoki tanlamaslik kerak? | SUBYEKTIV
Jamiyat | 19:02 / 30.06.2025
Urush tugadi, endi Isroil va Eron nima qiladi?
Jahon | 12:02 / 30.06.2025
Ko‘chmas mulk savdosini naqdsiz shaklga o‘tkazish rejalashtirilyapti
Iqtisodiyot | 11:26 / 30.06.2025
Hindistonda o‘n millionlab odam uran bilan ifloslangan suvni ichmoqda - olimlar
Jahon | 09:01 / 30.06.2025
So‘nggi yangiliklar
-
Tovarlarga nisbatan imtiyozlarni qo‘llash tartibi tasdiqlandi
O‘zbekiston | 15:34
-
Estoniyada ikki moldovalik diversiya uchun qamaldi
Jahon | 15:24
-
Sankt-Peterburgda migrantlar uchun taksi va kuriyerlik sohasida ishlash taqiqlanmaydigan bo‘ldi
Jahon | 15:12
-
#SonetUzStyle – ijodiy kontent uchun Kia Sonet sovg‘a qilamiz!
O‘zbekiston | 15:00
Mavzuga oid

14:02 / 01.07.2025
Gurjistonda sakkiz muxolif partiya saylovlarga boykot e’lon qildi

10:57 / 28.06.2025
Estoniya va Litva BMTni Ottava konvensiyasidan chiqishi haqida xabardor qildi

14:59 / 14.06.2025
Gurjistonda «O‘zgarishlar koalitsiyasi» yetakchisi Gvaramiya hibsga olindi

09:34 / 30.05.2025