2024 yilda dunyoda 150 dan ortiq «misli ko‘rilmagan» ob-havo hodisalari sodir bo‘ldi

Jahon meteorologiya tashkiloti (WMO) ma’lumotlariga ko‘ra, 2024 yilda dunyoda 152 ta «misli ko‘rilmagan» ob-havo hodisalari - tropik siklonlar, toshqinlar, issiqlik to‘lqinlari, qurg‘oqchilik va boshqalar sodir bo‘ldi. Mutaxassislarning aytishicha, ular oziq-ovqat inqirozining kuchayishiga hissa qo‘shdi va katta iqtisodiy yo‘qotishlarga olib keldi.

«Misli ko‘rilmagan» jumlasi ekstremal ob-havo hodisalari mintaqada har qachongidan ham yomonroq bo‘lganini anglatadi. Bu voqealar oziq-ovqat inqirozining kuchayishiga yordam berdi va katta iqtisodiy yo‘qotishlarga olib keldi. Misol uchun, Yaponiyadagi issiqlik to‘lqinlari yuz minglab odamlarni issiq urishiga olib keldi.

Umuman olganda, 2008 yilda boshlangan kuzatishlarga asosan, 2024 yilda tabiiy hodisalar oqibatida rekord miqdordagi 800 mingdan ortiq odam ko‘chirildi va boshpanasiz qoldi.

Hisobotda aytilishicha, 2024 yilda inson tomonidan qo‘zg‘atilgan iqlim o‘zgarishining «aniq belgilari» yanada yaqqolroq namoyon bo‘ldi. Bundan tashqari, uning ba’zi oqibatlari, mutaxassislarning fikriga ko‘ra, «yuzlab, balki minglab yillar davomida» qayta tiklanmaydi.

WMO ekspertlari o‘z hisobotida 2024 yil 175 yillik rekordlar ichida eng issiq yil bo‘lganini tasdiqladi. Bu, shuningdek, harorat sanoatdan oldingi davrga nisbatan 1,5°S darajadan yuqori bo‘lgan birinchi yilni belgiladi.

Shunday qilib, WMO ma’lumotlariga ko‘ra, atmosferadagi karbonat angidrid konsentratsiyasi so‘nggi 800 ming yil ichida rekord darajaga yetdi. Dunyo miqyosida so‘nggi 10 yilning har biri rekord darajadagi eng issiq 10 talikka kirdi. «2024 yil uchun ma’lumotlar okeanlar isishi va dengiz sathi ko‘tarilishda davom etishini ko‘rsatmoqda», dedi WMO bosh kotibi Selesta Saulo.