NASA Oy yuzasidan quyosh botishi qanday ko‘rinishini namoyish etdi

2 mart kuni NASA ilmiy va texnikaviy yutuqlari namoyishi doirasida Oyga qo‘nganidan so‘ng Firefly Aerospace kompaniyasining Blue Ghost Mission 1 kosmik kemasi 16 mart kuni o‘z missiyasini yakunladi.

Firefly kompaniyasining Blue Ghost oy apparati Mare Crisium krateriga NASA tomonidan ishlab chiqilgan 10 ta ilmiy asbobni yetkazdi.

Parvoz davomida Blue Ghost bir nechta fotosuratlar va videolarni, jumladan, quyoshning to‘liq tutilishi va Oy yuzasidan quyosh botishini tasvirga oldi. Missiya nihoyasiga yetguncha taxminan 14 kun davom etdi, bu bir qamariy kunga va bir necha soatlik qamariy kechaga teng.

Firefly missiyasi Oyda eng uzoq davom etgan tijorat missiyasiga aylandi.

Missiya davomida Blue Ghost Yerga 119 gigabayt, jumladan, 51 gigabayt ilmiy va texnik ma’lumotlarni uzatdi. Bundan tashqari, barcha asboblarga ilmiy tadqiqotlar o‘tkazish va tahlil qilish uchun qo‘shimcha ma’lumotlarni to‘plash, shu jumladan quyosh tutilishi va quyosh botishi paytida qo‘shimcha imkoniyatlar berildi.