O‘zbekiston va Kanada Afg‘oniston yo‘nalishidagi hamkorlikni muhokama qildi

O‘zbekiston prezidentining Afg‘oniston bo‘yicha maxsus vakili Ismatulla Ergashev Kanadaning yangi tayinlangan elchisi Kristofer Duggan bilan uchrashdi.

TIV ma’lumotiga ko‘ra, suhbat chog‘ida O‘zbekiston-Kanada hamkorligining Afg‘oniston yo‘nalishidagi bugungi holati, mintaqaviy xavfsizlikni ta’minlash masalalari har tomonlama muhokama qilindi.

Kristofer Duggan ikki tomonlama hamkorlikni yanada mustahkamlash va Afg‘oniston yo‘lidagi konstruktiv muloqotni davom ettirishga umid bildirdi.