Toshkentda antifriz ichgan ayol og‘ir ahvolda shifoxonaga yotqizildi

Toshkent shahrida ayol mashinalarga quyiladigan qariyb 2 litr antifriz suyuqligini ichib yubordi. Bu haqda «Millar» dasturida xabar berildi.

Qayd qilinishicha, poytaxtdagi shifoxonalarning birida mashinaga quyiladigan zaharli «antifriz» suyuqligini ichib yuborgan ayol og‘ir ahvolda yotqizilgan. Unga darhol birinchi yordam ko‘rsatilgan.

Ayol nima uchun zaharli antifrizni ichgani haqida ma’lumot berilmadi.

Shifokor so‘zlariga ko‘ra, ayolning ahvoli og‘ir va kerakli mutaxassislar nazorati ostida.

Ta’kidlanishicha, zaharli suyuqliklarni ichish o‘tkir buyrak yetishmovchiligini keltirib chiqaradi. Agar kerakli yordam vaqtida ko‘rsatilmasa, o‘lim holatiga ham olib kelishi mumkin.