Germaniyaning AQShga eksporti yangi tariflar tufayli 15 foizga qisqaradi

Agar AQSh prezidenti Donald Tramp nemis tovarlariga bojlarni saqlab qolsa, Germaniya iqtisodiyoti AQShga eksportda jiddiy yo‘qotishlarga duch keladi. «Bu juda muhim oqibatlarga olib keladi, biz sodda bo‘lmasligimiz kerak», dedi Germaniya moliya vaziri vazifasini bajaruvchi Yorg Kukis 7 aprel, dushanba kuni ZDF telekanalida. Buni tasdiqlagan holda u Iqtisodiy tadqiqotlar instituti (ifo) hisob-kitoblarini keltirdi, unga ko‘ra, Germaniyaning AQShga eksporti taxminan 15 foizga kamayadi.

Shu bilan birga, Kukisning so‘zlariga ko‘ra, iqtisodiy o‘sish istiqbollari sezilarli darajada pasayadi, retsessiya xavfi esa, aksincha, ortadi.

Vashingtonning tariflarni oshirishi sabab bo‘lgan savdo mojarosida g‘oliblar bo‘lmaydi, deydi Germaniya Moliya vazirligi rahbari. Amerika kompaniyalarining reaksiyasi shuni ko‘rsatadiki, AQShda retsessiya xavfi ham ortib bormoqda, bu esa va’da qilingan soliqlarni kamaytirish imkoniyatlarini qisqartiradi, deya xulosa qildi Yorg Kukis.