Toshkentning beshta tumanida issiqlik tarmoqlari gidravlik sinovdan o‘tkaziladi

«Toshkent issiqlik markazi» OAJ tashabbusi bilan 10 aprel kuni IM-1 va IM-10 qozonxonalari, tegishli issiqlik tarmoqlari quvurlarini gidravlik sinovdan o‘tkazish ishlarini amalga oshiradi. Bu haqda Veolia Energy Tashkent xabar berdi.

Mazkur tadbirlardan ko‘zlangan asosiy maqsad — quvurlarda ehtimoliy zaif qismlarni aniqlash, issiqlik ta’minotining ishonchliligini oshirish, avariyaviy holatlarning oldini olish va ko‘rsatilayotgan xizmatlar sifatini yaxshilashga qaratilgan.

Sinov ishlari olib borilishi munosabati bilan 08:00 dan 18:00 gacha Mirzo Ulug‘bek, Yunusobod, Yashnobod, Shayxontohur va Uchtepa tumanlarining ayrim hududlarida issiq suv haroratining vaqtincha pasayishi kuzatilishi mumkin.

Ta’kidlanishicha, mazkur ishlar yakunlangach, Veolia Energy Tashkent mutaxassislari tez fursatda issiq suv ta’minotini barqaror holatga qaytarish uchun zarur choralarni ko‘rishi ta’minlanadi.