Tramp aksariyat mamlakatlar uchun bojlar joriy etishni to‘xtatdi

AQSh prezidenti Donald Tramp dunyoning aksariyat mamlakatlari – Vashingtonga qarshi javob choralarini ko‘rmaganlar uchun qo‘shimcha savdo tariflarini 90 kunga to‘xtatib qo‘yishini e’lon qildi. Bu davrda ushbu mamlakatlarga 10 foizlik «sezilarli darajada pasaytirilgan tarif» qo‘llanadi, deb yozdi Tramp 9 aprel, chorshanba kuni Truth Social ijtimoiy tarmog‘ida.

Uning ta’kidlashicha, dunyoning 75 dan ortiq davlati Qo‘shma Shtatlarni savdo va savdo to‘siqlari bo‘yicha muzokaralar olib borishga chaqirgan va Qo‘shma Shtatlarga qarshi hech qanday javob choralari ko‘rmagan. Oq uy rahbari qaysi davlatlar uchun boj joriy etish to‘xtatilishiga aniqlik kiritmadi.

Shu bilan birga, Tramp Xitoy importiga bojlar yanada oshirilishini e’lon qildi – hozirgi 104 foiz o‘rniga 125 foizgacha. Shu bilan birga, u Pekinni jahon bozorlariga «hurmatsizlik»da aybladi. «Qaysidir pallada, umid qilamanki, yaqin kelajakda Xitoy AQSh va boshqa mamlakatlarni talon-toroj qilish kunlari endi qabul qilinmasligini tushunadi», — deya qo‘shimcha qildi Amerika prezidenti.

Ikkala qaror ham darhol kuchga kiradi, dedi Tramp.