Britaniya Suriya vazirliklari va razvedka xizmatlariga nisbatan sanksiyalarni bekor qildi

Buyuk Britaniya Suriyaning bir qator razvedka xizmatlari, OAV va vazirliklarini, jumladan, Mudofaa va Ichki ishlar vazirliklarini sanksiyalar ro‘yxatidan chiqardi. Bu haqda mamlakat Moliya vazirligi bayonotida so‘z boradi.

Shuningdek, Xavfsizlik bosh boshqarmasi, Havo razvedka kuchlari, Siyosiy xavfsizlik boshqarmasi, Milliy xavfsizlik byurosi, Harbiy razvedka boshqarmasi va Armaiya ta’minoti byurosi ham ro‘yxatdan chiqarilgan.

Bundan tashqari, Radio va televideniye bosh boshqarmasi, «Al-Vatan» gazetasi, Cham Press TV va Sama TV telekanallariga nisbatan cheklovlar olib tashlangan.

Mart oyida Britaniya hukumati Suriyaning 24 ta tashkiloti, jumladan, mamlakat Markaziy banki va neft kompaniyalariga nisbatan sanksiyalarini bekor qilgandi. Mamlakat hukumati Suriyada hokimiyat almashgani sabab sanksiyalar rejimini yumshatishga qaror qilgan.

Eslatib o‘tamiz, dekabr oxirlarida Turkiya tashqi ishlar vaziri Hoqon Fidan Suriyaning qayta tiklanishiga yordam ko‘rsatish uchun xalqaro hamjamiyatni undan sanksiyalarni olib tashlashga chaqirgandi. «Oldingi rejimga qarshi joriy etilgan sanksiyalar imkon qadar tezroq olib tashlanishi kerak», — degan Fidan Suriyaning yangi rahbari Ahmad ash-Shar’a bilan o‘tkazilgan matbuot anjumanida.