Samarqand BMTning Davlat xizmatlari forumini qabul qiladi

Raqamli texnologiyalar vazirligi ma’lumotiga ko‘ra, O‘zbekistonda ilk bor o‘tkazilayotgan ushbu global ahamiyatga ega tadbir "2030 yilgacha besh yil: Barqaror kelajak uchun davlat xizmatlarini ko‘rsatishni jadallashtirish" mavzusida bo‘lib o‘tadi. 

Forumda vazirlar, yuqori martabali hukumat vakillari va fuqarolik jamiyati yetakchilari ishtirok etishi va davlat xizmatining kelajagi haqida fikr almashishi kutilmoqda.

Forum 23 iyun – BMTning Davlat xizmati kunida rasman ochiladi va davlat boshqaruvini takomillashtirish hamda davlat xizmati samaradorligini oshirishga qaratilgan yuqori darajadagi muzokaralar, innovatsion yechimlar va strategik hamkorlik uchun platforma vazifasini o‘taydi.